第一次 （一生總有好幾次）
是次獻給903女主播「遮匙」，《你那邊幾點？》。.........................................................................................................
… …
巴黎嘅男仔普遍過瘦，淨係鍾意食煙，唔鍾意食嘢 - 就怕食咗都唔識肥；
佢地亦認為唔尊重他人嘅愛好、選擇係一種病態，輕則要被排斥，重則會當街被圍𢱕。
上年紀嘅一係就太愛做上等人、一係太地下，而兩類人都愛無日無夜為講野而講、為批抨而批抨 …
巴黎年俊都愛穿天鵝毧西裝褸，一定要企領，死都要型，零度都要單披上陣；
呢度啲人慣性黑面，但暗地裡普遍心地都好到爆；
男同女最弊都喺識聽唔識講英文，閉門自稱皇，亦因此永遠滯留喺68年學運新浪潮或百多年前世博會起鐵塔嗰時。
畢竟，我認為法郎們越爛look越正，啲頭髮永遠唔駛梳都一樣咁得，佢地自己亦好清楚呢點 …
— 巴黎時間半夜一點正；春假尾，吞書中，冇得泡
追加：MK港男經典則為寶藍絹面恤衫搭未過水廿二吋大喇叭牛記兼每邊褲腳一把火… 勁！
posted by kirque @ 1:40 AM
Comments: 0
